“Südtiroler Ruf. Der Bote des Bergisel-Bundes Österreichs” edizion straurdinera – autonn 1964, te chësta edizion vëniel fat n apel per na manifestazion de prutesta per Südtirol a Viena.

L “Südtiroler Ruf” univa dat ora dl 1961 dal “Bergisel-Bund” per nfurmé avisa y descedé l nteres per i problems dla populazion de rujendea tudëscia de Südtirol. L “Bergisel-Bund” fova na lia cun ades 30.000 cumëmbri, metuda su dl 1954 dal prufessëur de Università per dërt internaziunel Eduard Reut-Nicolussi a Dispruch. De chësta lia fajova pert nce l Secreter de Stat Prof. Univ.Franz Gschnitzer y HR dut.a Viktoria Stadlmayer, a cë dl “Referat S” dl Guviern dl Lont Tirol.

L “Bergisel-Bund” ie unì metù scialdi sota druch da pert dla Talia. Ai cumëmbri ti univel trat dant da pert di media talians de avëi ideies neonazistes, nce sce danter si reprejentanc fovel politicri dla “Österreichische Volkspartei”. Truep cumëmbri dl BAS te Nordtirol fova nce cumëmbri dl “Bergisel-Bund”.