Ti ani sessanta dl secul passà fovel mort almanco 35 persones tl “Südtirol-cunflit” y truepes fova unides ferides. Chësta persones ie mortes per rejons deferëntes.
Scebën che l ti vën dat la gauja dla mort de alpini, carabinieres, dla verdia de finanza y dla polizai al “BAS”, ie la majera pert di atentac contra la forzes de segurëza talianes mo al didancuei nia unic stlarii. Danz fova mpo mo n valgun BAS-ativisć unii cundanei tla Talia nce per fac ulache i ne n’ova nia gaujes. Na amnestia o reabilitazion vën ncuei mo refudeda dala Talia.
Purempò dëssa la vitimes dl “Südtirol-cunflit” unì lecurdedes. Cun uni vitima vëniel fat n var sun la streda dla lidëza de Südtirol!
Giovanni Postal
L laurant dla stredes pier la vita a Salurn. Giovanni Postal à ulú tò demez na cëria de esplosif che fova pona sauteda tl aier.
Josef Locher
L südtirolesc ie unì mazà ntan che l jiva a cësa da n saudé te na furnadoia dal material, ajache l ne fova nia bon dla fermé.
Hubert Sprenger
L südtirolesc ie unì mazà da n saudé talian, canche l passova per jì a cësa pra na cësa de ufezieres. I südtirolesc Locher y Sprenger ie deventei vitimes de na pruibizion de jì ite te strutures dl militer data ora dal Vizecomisser dl Guviern y fata al savëi permò do la mort di doi.
Peter Thaler
L saudé südtirolesc de Persenon ie mort dai colps de n saudé talian dla medema grupa, per gaujes nia cunesciudes.
Luciano Valinotti
L pionier ie mort a d’infal, mazà da n saudé talian dla medema unità.
Franz Höfler
L BAS-ativist ie unì metù te perjon y malterjà do la “Nuet di Fuesc”. Franz Höfler ie mort dala cunseguënzes di maltratamënc.
Anton Gostner
L BAS-ativist Anton Gostner ie mort dala cunseguënzes di matratamënc.
Gaspare Erzen
L funzioner dla ferata pierd la vita tla stazion de Verona da na cëria de esplosif. I respunsabli ne ie nia cunesciui, la Talia ti dà nchina ncuei la gauja al “BAS”. L vën jagà che l se trata de ativiteies de n servisc sucrët, pusciblmënter dla “segurëza de Stat” dla Cecoslovachia (Státní Bezpecnost; StB)
Marianne Tschenett
Coche la ie morta, la fova la fëna dl BAS-ativist Josef Tschenett, ne ie nchina ncuei nia tler. Cater mutons ie restei zënza oma.
Kurt Gruber
L jandarm, pierd la vita a Ebensee cun na trapula de esplosif. L jandarm Johann Winkler pierd nsci la vista y l “Rittmeister” dla jandarmeria Albrecht Schröder vën dassënn ferì ; cin sculeies y doi granc se selva da n atentat sun la furnadoia dl Feuerkogel, davia che la cëria de dinamit ne ie nia sauteda. Al fat di neofascisć talians Giorgio Massara, Sergio Poltronieri, Luciano Rolando y Franco Panizza ti iel unì jit do mé puech tla Talia o l ti ie unì cunzedù la amnestia, nsci nce per d’autri doi atentac te Österreich.
Hans Paul Wagner
L agënt dl servisc sucrët talian ie unì abinà cun trëi colps tl corp, doi de chisc à gaujà la mort. Si mort ie unida prejenteda coche suizide.
Vittorio Tiralongo
L carabinier vën mazà a Mühlwald. L respunsabl ne ie nchina ncuei nia cunesciù, truep ndizies lascia pro la minonga che l sibe stat n’autra grupa che no chëla dl “BAS”. N chësc cont ie duta la pruzedures unides stlutes.
Luis Amplatz
L BAS- ativist vën mazà, ntan che l durmiva, sun la Brunner Mahder te Passeier. Si cumpani Jörg Klotz ie uní ferì dassënn. Christian Kerbler, de Hall te Tirol, fova unì nciarià dai servijes sucrëc talians. Ël ie nchina ncuei muciadif.
Friedrich Rainer
Friedrich Rainer dëssa vester unì mazà da na cëria de esplosif ntan che l fajova sauté la capela di osc a Mals; i fac curiëusc dà da ntënder che l se tratova de na azion dla forzes de segurëza talianes.
Sepp Kerschbaumer
L fundadëur dl “BAS” de Frangart ie mort dal bòt tla perjon de Verona do che l fova unì malterjà dola “Nuet di Fuesc”.
Helmut Immervoll
De Österreich mor do na esplojion a Bulsan. La esplojion ie suzeduda tl cuatier dl BAS-ativist Martin (Martl) Koch che fova unì śarà via do la “Nuet de Fuech”. La fëna de Koch vën aresteda. L “BAS” jega che l servisc sucrët talian sibe tlo stat dovia.
Palmerio Ariu, Luigi de Gennaro
I carabinieres vën mazei te Sest. Chi che ie stat de gauaj ne san nia. La Talia ti dà la gauja de avëi fat chësc ai “pusteri”.
Bruno Bolognesi
L finanzer pierd la vita sun l jëuf de Pfitsch. Aldò dla verscion ufiziela taliana à i “pusteri” metù tla cësa dl Jëuf de Pfitsch, che univa adurveda dai finanzeri, na cëria de esplojif. L finanzer dëssa vester unì mazà da na esplojion da gas.
Salvatore Cabitta, Giuseppe d’Ignoti
L vën mazà i doi finanzeri a S. Martin te Gsies. I responsabli ne ie nchina ncuei nia cunesciui. La Talia ti dà la gauja dl fat ai “pusteri”.
Martino Cossu, Herbert Volgger, Franco Petrucci
I finanzeri Marino Cossu y Herbert Volgger mor sun la Steinalm sun l Prëner, l ufezier Franco Petruci ie mort plu tert per gauja dla ferides. Aldò dla verscion ufiziela taliana à Jörg Klotz, Richard Kofler, Alois Larch y Alois Rainer metù na mina tla cësa di finanzeri. Perdrët ie i finanzeri stac vitimes de na esplojion da gas.
Eugenio Trinelli
L alpino de Modena ie unì mazà a d’infal da n saudé dla verdia de finanza.
Peter Wieland
Al südtirolesc de Valdaura ti vëniel stlupetà da na patulia di alpini ntan che l jiva a cësa. Permò do doi ëura iel unì purtà tl uspedel de Burnech, ulache l ie mort tosc do. Coche prima gauja de mort iel unì dat sëura, da pert dla autoriteies talianes, ferides al cë.
Francesco Gentile, Mario Di Lecce, Olivo Dordi, Armando Piva
L capitan di carabinieres Francesco Gentile, l ufezier di paracadutisć Mario di Lecce, l paracadutist sotufezier Olivo Dordi y l alpino Armando Piva pierd si vita sun la Porzerscharte. L paracadutist sotufezier Marcello Fagnani vën ferì dassënn. Aldò dla verscion ufiziela taliana ie i saudeies morc per n atentat di trëi BAS-ativisć de Österreich Peter Kienesberger, dut. Erhard Hartung y Egon Kufner. Cun gran probabltà à l servisc sucrët talian metù la trapules da fé sauté. Coche la ie jita ne san nchina ncuei nia y l ie truepa cosses che ne va nia a una.
Cesare Costantini
L capitan di alpins pierd la vita pra la hitia Zwickau. L ufezier di alpins ie mort per gauja dl joler, do l ntervënt de fé sauté tl aier la utia ntëur chëla che l ie unì metù esplojif, ntan che n à ulù purté demez l “pirotecnich” Armando Ciabattoni.
Beppino Mula
Al carabinier dla Sardenia ti iel unì stlupetà a d’infal a Leifers da n cumpani ntan che l puzenova l’erma.
Rudolf Brunner
L ufezier dla armeda de Österreich pierd la vita dlongia Kartitsch do vester tumà ju ntan che l fajova servisc sun l cunfin te Osttirol.
Filippo Foti, Edoardo Martini
I polizaies dla ferata pierd la vita tla stazion dla ferata a Trënt, per gauja de na cëria de esplojif. Chëi che ie de gauja ne ie nchina ncuei nia cunesciui. Tla Talia vëniel jagà che l BAS-ativist Peter Kienesberger ebe la gauja. Cun na cërta probabltà ie i respunsabli da crì te cërtli dla “Avanguardia Nazionale”, i neofascisć talians.
