Nuet di Fuesc

Plu o manco 37 pei dla lectrisc ie unic fac sauté tl aier tla nuet dai 11 ai 12 de juni 1961 y d’autri pei n valguna nuetes do. La “Nuet di Fuesc” ie stata la majera azion cunzentreda dl “BAS” ulache l à fat pea la majera pert di BAS-ativisć de Südtirol y Nordtirol.

La Talia à respundù cun n renfurzamënt sterch de si forzes de segurëza te Südtirol śaran via y malterjan cumëmbri dl BAS per identifiché i ativisć. L numer de polizai y carabinieres ie bele unì renfurzà de autonn dl 1956, canche la “grupa Stieler” cun Hans Stieler ova fat de mëndri atentac a casermes y sun la linia dla ferata dl Prëner. La grupa ie unida aresteda de jené dl 1957. Nce la resistënza dla populazion tudëscia contra la mesures de talianisazion, che fova ruveda a piz pra la manistestazion a Sigmundskron ai 17 de nuvëmber dl 1957, à purtà pro a n renfurzamënt dla “forzes de segurëza” talianes.

Scebën che deguna persones à abù n dann pra i atentac dla “Nuet di Fuesc” à n laurant che laurova pra la stredes, Giovanni Postal, perdù la vita a Salurn, ntan che l purvova de tò y jì na cëria de esplosif mpieda.

Informazions plu avisa sun i atentac te Südtirol:

• Otto Scrinzi (Hrsg.), Chronik Südtirol 1959-1969. Von der Kolonie Alto Adige zur Autonomen Provinz Bozen. Graz-Stuttgart 1996.