Viktoria Stadlmayer de Persenon/Dispruch

Viktoria Stadlmayer vën cun rejon rateda la “Grande Dame” dla politica nord-südtiroleja. Coche respunsabla dl “Referat S” (Südtirol) dl guviern de Nordtirol se ovela dat scialdi da fé, dal 1957 inant, cun i problems de si ncësa. Per gauja de chësc mpëni fova Viktoria Stadlmayer, dl 1961, unida śareda via per “propaganda contra la nazion” y fova unida lasceda jì do 43 dis de perjon. La possa unì rateda na simpatisanta dl “BAS”, ma la ne à mei azetà azions de viulënza.