Rosa Klotz de Walten te Passeier

Rosa Klotz ova judà coche fëna l BAS-ativist Jörg Klotz te si ativiteies dal esil tl Österreich y ova messù se cruzië, coche maestra, dla familia cun sies mutons. La familia fova sotmetuda suvënz de nuet a percuisizions te cësa da pert di carabinieres. Te na sort de “Sippenhaftung” fova Rosa Klotz unida śareda via dl 1967 per 14 mënsc alalongia te n arest preventif y la univa suvënz damandeda ora, cun la speranza che la pudëssa tradì si uem. Si lëur de nseniamënt ova Rosa Klotz permò pudù inò mëter man do la mort de si uem.

Jörg Klotz de Walten te Passeier

Do la Segonda Viera mundiela se ova Jörg Klotz dat ju per mëter inò su la cumpania di scizeri de Südtirol che fova unida pruibida ai tëmps dl fascism y l se ova lià al “BAS” de Sepp Kerschbaumer. Jörg Klotz fova dla minonga che n pudova arjonjer deplù te Südtirol cun n “Guerillakampf”. Do la “Nuet di Fuesc” ti fovel mucià ala perjon, se la taian ora tl Österreich, ulache l ova metù a jì azions per fé sauté tl aier pei dla lectrisc y stlupedes contra i saudeies talians. Dl 1964 fova Jörg Klotz stat bon de se la cavé, ferì dassënn, da n atentat de mort sun la Brunner Mahder, ulache l fova unì mazà si camerat Luis Amplatz. Tl Österreich fova Klotz sota usservazion dla pulezai de Stat y l fova unì śarà via plu iedesc. L fova unì cundanà, zënza vester prejënt, tla Talia a 52 ani de perjon. Jörg Klotz fova mort dl 1976 n esil tl Österreich.