La ancunteda di südtirolesc sun Ciastel Sigmundskron ai 17 de nuvëmber 1957, cun passa 30.000 persones che ova tëut pert y purtà pro a n mudamënt radical tla storia de Südtirol cun la ghiranza “Los von Trient”.

La Acurdanza de Paris (o Acurdanza Gruber-De Gasperi) dl 1946 cun la mpermetuda dl autoguviern fova unida cuntrasteda, tres chël che n ova metù adum Südtirol cun Trënt tla Region Trentino-Alto Adige, a na maniera che la populazion taliana ova la maiuranza y che i ova nsci te si mans la cuestions politiches te Südtirol. Tan plu che n ova fat su na bela cumpëida de cuatieres soziei, che ti fova unic dac tan che duc a imigrei dla Talia dl sud.

Per l prim iede se ova la populazion de Südtirol lascià su duta a una contra i tentatifs nueves de “talianisazion” per arjonjer la maiuranza dla populazion.

Do la ancunteda ova Sepp Kerschbaumer partì ora n julantin, che n possa cunscidré coche la prima azion dl “Befreiungsausschuß Südtirol-BAS”.

 

Dla scela de cordes se ova nuzà l BAS-ativist y scizer Luis Amplatz de Bulsan/Gries per mëter ora la bandiera de Tirol che dl 1957 fova pruibida sun l “Ciampanil blanch”.