L “Südtirol-Paket” ie stat l resultat de tratatives che à durà ani danter Österreich y la Talia. L calënder dla uperazions ie stat la streda per ruvé a na vëira autonomia de Südtirol, dut auter che no la autonomia de parënza dla Acurdanza Gruber-De Gasperi dl 1946. Chësta ie unida data pro dl 1969 tla senteda generela dla Südtiroler Volkspartei a Maran y dai Parlamënc de Österreich y dla Talia.

I doi Ministri per i afares cun i stac fulestieres Aldo Moro y Kurt Waldheim ova fat ora de nuvëmber dl 1969 a Kopenhagen de se tenì a na maniera strënta ai tëmps udui dant per n calënder dla uperazions y l Parlamënt talian dajova pro n valgun dis do a chësta dezijion.

L Segondo Statut de autonomia ie jit n drova de nuvëmber dl 1972. Definitivamënter ie duta la mesures unides a se l dé dl 1992 canche l “Südtirol-cunflit” danter Österreich y la Talia ie finà via cun la “Streitbeilegungserklärung”, nchina ncuei danz nia per duc i partezipanc!