Nchina ncuei ti vëniel dat tla Talia la gauja ai BAS-ativisć Jörg Klotz, Richard Kofler, Alois Larch y Alois Rainer. Rosa Klotz, la fëna de Jörg Klotz, ie unida śareda via te Südtirol. I acusei fova tl 1966 tl esil te Österreich.
De plu bënsteies, che ie unic laurei ora n cont de chësc fat da de plu esperc, desmostra cun na cërta segurëza che la esplojion fova unida a se l dé da na bombula dal gas tla caserma. Dlongia ala bombula dal gas iel unì metù ju na cassa cun granates.
Coche for te de tei caji ti dajova la Talia, te na nota diplomatica, na corespunsabltà a Österreich, ti trajan dant che si autoriteies fajova massa puech contra l terorism.
De plu informazions n cont de chësta ntraunides sun i Jëufs de Resia, de Pfitsch, sun la Steinalm y sun truep d’autri:
- Hubert Speckner, Von der „Feuernacht“ zur „Porzerscharte“…… Das „Südtirolproblem“ der 1960er Jahre in den österreichischen sicherheitsdienstlichen Akten. Wien 2016.
