La nuet dai 4 ai 5 de agost 1963 iel unì fat sauté tl aier a Sand in Taufers doi pei dla lectrisc. N valguna ëures do iel sautà tl aier na cëria de esplojif tla caserma di carabinieres tla vedla cësa dla stazion a Sand in Taufers.

I “cater pusteri” Sepp Forer, Heinrich Oberlechner, Heinrich Oberleiter y Siegfried Steger à fat l atentat.

Ndut iel unì njenià ca de fé sauté trëi pei dla lectrisc, una na cëria ne ie nia sauteda. La cëria de esplojif metuda te ciamin dla caserma di carabinieres à ferì doi südtirolesc che univa damandei ora dai carabinieres. I “cater pusteri” se ova permò ntendù daldò che si cumpanies fova tla caserma, canche la cëria fova bele metuda.