Finalmënter giapa i pec di ani sessanta dl secul passà na si lerch

Coche respunsabl dl Südtiroler Heimatbund per i tòc metui ora, sons cuntënt che i à finalmënter abinà na lerch ulache la jënt possa unì a ti cialé, ajache ala fin dla finedes iesi pec mpurtanc di cumbatënc per la lidëza te Südtirol che n pert à nce sacrificà si vita per la Heimat. D’autri à metù n pericul si vita ntan la batalies de nuet. Per l fat che duc chëi che fova leprò pra la batalia se ova batù per i dërc y la lidëza dla Heimat, dantaldut chëi che messova pona se n mucé y lascé la Heimat, iel defin drët che i tòc metui ora abina finalmënter na si lerch per pudëi unì cialei.

Duc i cumëmbri dl BAS à dat n gran cuntribut per fé su l’autonomia che à purtà pro truep a nosc bënsté de al didancuei! L Sëurastant de Südtirol Silvius Magnago ova tl 1976 dit ntan la senteda dla Südtiroler Volkspartei che di atentac se oven juà dassënn acioche l “Südtirol-Paket” unisse a se l dé. I Sëurastanc de n iede Luis Durnwalder y Wendelin Weingartner à cunfermà chësc plu tert!

Purtruep ova 13 cumbatënc per la lidëza sacrificà si vita per la lidëza de nosta Heimat! Perchël iel mpurtant ti lascé udëi i tòc metui ora a duc acioche l lecort de chëi tëmps riei ne sfante nia. Mé nsci pudons judé do che n se mëte inant a despusizion per cumbater aldò dla lege per la lidëzes che mancia mo. L’autonomia de al didancuei ne possa nia salvé per for la cultura y la tradizions südtirolejes, la ie mé adateda sciche soluzion per ntant. Nosc fin ie y resta la autodeterminazion, mé nsci pudons arjonjer na pesc che dura te nosta Heimat Südtirol!

Cun de biei saluc tirolesc

L sëurastant de unëur dl Südtiroler Heimatbund
Sepp Mitterhofer †