Tulons su i nseniamënc dla storia

Per la “lidëza de Tirol” iel unì cumbatù truep, sun l ciamp de batalia sciche nce tl ciamp dla ideologia. Al didancuei ne messons nia plu fé chësta “batalia per la lidëza” cun sëijeles, mazes y fliei coche tl 1809, nianca no cun atentac de esplojif a pei dla lectrisc coche ti ani cincanta y sessanta dl secul passà, ma udan ite che chësc Tirol y dantaldut la pert a sud muessa avëi per si storia y tres si crëidum la forza per vester d’ejëmpl per l mond, per mustré su coche la lidëza, nce cun dut l bënsté, possa vester na “parola santa”.

Per chësta gauja ulons propi ti mustré al mond de al didancuei tres chësta mostra cun l titul “Befreiungsausschuss Südtirol-BAS – Vitimes per la lidëza”, tan sot y vif che l ie mo l nchersciadum  do la lidëza te nëus, nce sce uni tant nes vëniel damandà vel’ sacrifize. Ma l ie sacrifizies cun chëi che milesc de tirolesc tla storia fova a una.

L fova perchël tler per l “Andreas Hofer-Bund Tirol” de vester a cë dla mostra y de la njenië ca sun la ntraunides te Südtirol ti ani sessanta dl secul passà.

Tulons perchël su la amunizions dla storia, purvons coche zitadins liedies de jì rëit y ne scutons nia dan l tort, a chi che mei che l ti suzede o che l ti ie bele suzedù. Ne scutons nia mé via o son grams, dantaldut nia canche l tort vën fat da pert dl Stat! Pertendons al cuntrer che uni Stat sibe l garant dl dërt.

Ing. Winfried Matuella
Sëurastant dl “Andreas Hofer-Bund Tirol”